uandishi wa barua

UANDISHI WA BARUA

BARUA

Ni maandishi yenye ujumbe yanayopelekwa kwa mtu mwingine kwa njia mbalimbali

Mfano wa njia hizo ni: -

• Posta
• Mkono
• Basi au ndege n.k

Kuna aina mbalimbali za barua kama vile: -

• Barua za kirafiki
• Barua rasmi
• Barua za mialiko
• Barua za kindugu

BARUA ZA KIRAFIKI

Hizi ni barua ziandikwazo kwa marafiki, jamaa, ndugu, wazazi.

LENGO LA BARUA ZA KIRAFIKI

1. Kusalimiana na ndugu zetu
2. Kuomba msaada
3. Kutoa pongezi, hongera au pole
4. Kuomba msamaha

MUUNDO WA BARUA ZA KIRAFIKI

Barua za kirafiki huundwa na mambo muhimu yafuatayo

1. Anuani ya mwandishi
2. Tarehe
3. Mwanzo wa barua
4. Mwisho wa barua
5. Jina la mwandishi.

(i)  ANUANI YA MWANDISHI

-      Huandikwa juu kwenye pembe ya kulia ya karatasi. Huandikwa kwa waziwazi na kwa usahihi ili mwandikiwa aitumie kujibu barua aliyotumiwa

-      Huweza kuandikwa kwa muundo wa mshazari au wima.

MFANO WA MSHAZARI

SHULE YA SEKONDARI MAKONGO

     S. L.P 60157

         DAR ES SALAAM

           19/07/2012

MFANO WA WIMA

SHULE YA SEKONDARI MAKONGO

S. L.P 60157

DAR ES SALAAM

19/07/2012

(ii)   TAREHE

-      Huandikwa chini kwenye anuani ya mwandishi ili kumjulisha mwandikiwa lini barua imeandikwa

-      Tarehe huweza kuandikwa kwa miundo mbalimbali mfano: - 2-02-2012, 02/02/2012, 2.2.2012 au february

(iii)  MWANZO WA BARUA

Huandikwa kushoto chini ya mstari wa tarehe huweza kuandikwa kwa kutajwa jina, eneo au wadhifa wa mtu anayeandikiwa

Mfano: -

Mpendwa Baba, mama, kaka, mpenzi wangu na pia sehemu hii kukaa maneno ya sehemu maamkizi ili kujulikana kati ya mwandishi na mwandikiwa

(iv)  KIINI CHA BARUA

Sehemu hii hueleza kusudi/lengo la mwandishi, huelezea kusudi lake la kuandika barua.

Mfano: -

• Kuomba kazi
• Kuomba msaada
• Kuomba msamaha
• Kujuliana hali

(v)  MWISHO WA BARUA

Hapa huwa na salamu za maagano na salamu hizo kutegemea mwandishi na mwandikiwa, mwisho wa barua huwa na maneno yenye ladha na mvuto.

Mfano: -

     Wasalamu/ nisalimie wote wanaonifahamu nakusubiri kwa hamu n.k

(vi)   JINA LA MWANDISHI

Ni muhimu mwandishi kuandika jina ili kumjulisha mwandikiwa barua imetoka kwa nani.

Angalizo: -

      Uandishi wa barua za kirafiki hufuata taratibu zote za uandishi

Mfano:-

• Mkato
• Nukta
• Alama za kuuliza
• Mshangao n.k

KIELELEZO CHA MUUNDO WA BARUA ZA KIRAFIKI

SHULE YA SEKONDARI MAKONGO

S. L.P 60157

             DAR ES SALAAM

                         19/07/2012

Baba mpendwa;

Salamu sana, je! Hamjambo wote hapo nyumbani? Wale mbuzi wangu mapacha niliowaacha wamezaa tena? Natumaini wadogo zangu kulwa na doto wanaendelea vema na masomo.

Dhima la barua hii ni kutaka kukujulisha maendeleo yangu ya shuleni ya kidato cha kwanza. Pia tatizo kubwa linaloniandama hapa shuleni ni umaskini sina hata shilingi moja ya kununua hata kipande cha mboga. Hivyo naomba nitumie hela ya matumizi ili nisome vizuri.

Wasalimie wote hapo nyumbani pamoja na marafiki zangu wote.

Wako akupendaye

                                                ELIMUKAZI

---